QENDRA E EKSPORTEVE SHQIPTARE
ALBANIAN EXPORT CENTER
HOTLINE :      +355 67 604 52 40      e Hë - e Pr  8:00  - 18:00
ADRESA :   Rr. "Gjin Bua Shpata", Pallatet e Aviacionit të Vjetër, Shk. 4, Kati i I, Ap.16, Tiranë

LAJM!
Në lidhje me ndryshimet e menjëhershme në legjislacion, njoftimet e aktiviteteve dhe ngjarjeve, informacionin përkatës dhe të dobishëm. Të jetë i përditësuar! Të përshtatet me kushtet e reja të të bërit biznes me ne.

Grumbulluesit e frutave e perimeve pa magazina, qeveria nuk u jep leje ti ndërtojnë

Grumbulluesit e frutave e perimeve pa magazina, qeveria nuk u jep leje ti ndërtojnë

Grumbulluesit dhe përpunuesit e frutave dhe perimeve në vend, i kërkojnë qeverisë që të hartojë dhe miratojë një Vendim të posaçëm, për dhënien e lejeve të ndërtimit për magazinat që bëjnë të mundur grumbullimin apo përpunimin e frutave dhe perimeve.

Arben Zdrava, një nga grumbulluesit dhe përpunuesit e frutave dhe perimeve në zonën e Lushnjes, në një intervistë të dhënë për Ekonomix.al, thotë, se ka shumë grumbulllues të cilët janë totalisht të bllokuar dhe nuk mund të punojnë me kapacitet të plotë, pasi bashkitë nuk kanë të drejtën ligjore për ti pajisur me leje ndërtimi.

Zdrava shprehet, se dhënia e lejeve të ndërtimit për këto magazina është domsodoshmëri, për zhvillimin e mëtejshëm të kësaj industrie.

“Kemi vite që i kërkojmë qeverisë që të hartojë një vendim të posaçëm për dhënien e lejeve të ndërtimit për magazina grumbulluese e përpunuese. Jemi gënjyer dhe vazhdojmë të gënjehemi. Por, një sorollatje e tillë është kosto shumë e lartë për ne si grumbullues e përpunues, pasi e gjithë sasia e frutave apo perimeve që ne grumbullojmë, shkon dëm.

Nuk mund të marim leje për ndërtimin e magazinave tek pushteti lokal, pasi nuk e ka tagrin që të na pajisë me leje. Është domsdoshmëri, pasi ne nuk mund të ndërtojmë magazina në zonat urbane, por në fusha, aty ku marim dhe prodhimin” thotë Zdrava.

Nga ana tjetër, ai shprehet, se ndihma e Ministrisë së Bujqësisë dhe Zhvillimit Rural apo e AZHBR-së është minimale. Madje sipas tij, ndihma që iu është dhënë grumbulluesve dhe përpunuesve të frutave dhe perimeve është shumë minimale.

“Ka shumë fjalë, por pak punë. Ne duam të aplikojmë dhe sipas krirtereve të shpallemi fitues. Nuk kualifikohemi në shumë projekte që qeveria zbaton. Ndërsa sa i përket IPARD-it, mund t’iu them se mbetemi në ajër, pasi ende nuk e dimë nëse do shpallemi fitues” thotë Zdrava.

Sipas tij, grumbulluesit dhe përpunuesit e frutave dhe perimeve në vend, kërkojmë edhe mbështetje nga ekspertët e Minsitrisë së Bujqësisë për mënyrën e aplikimit, por mbi të gjitha, kjo industri ka nevojë edhe për heqjn e akcizës për qelqin, naftën por edhe uljen e çmimit të energjisë elektrike.

“Ne në magazinat që kemi për grumbullimin e frutave dhe perimeve, kemi një kosto shumë të lartë për akcizën e qelqit. Kemi kërkuar uljen e saj, por asnjëherë nuk u bë gjë në këtë drejtim. Nga ana tjetër, akciza për naftën është shumë e lartë, pa llogaritur këtu edhe çmimin e energjisë elektrike” thotë Zdrava.

Burimi: Ekonomix.al